Bayan Ni Juan

Ngayong umaga ay pinagdiriwang din ang opisyal na paglulunsad ng ika-limampu't limang anibersaryo ng kauna-unahang tv network sa bansa, ang ABS-CBN! At dahil d'yan, may isang napakahalagang proyekto, na nasimulan na ng ABS-CBN Foundation Incorporated, ang tiyak na magpapatotoo ng tunay na kahulugan ng pagiging magkakapamilya -- at ito ay ang misyon na kung tawagin ay “Bayanijuan”. Ito ay ang pamamaraan ng buong komunidad ng ABS-CBN, mula Luzon, Visayas at Mindanao at sa lahat ng panig ng mundo, na tuwiran o direktang makatulong sa ating mga kapamilyang lubos na nangangailangan o 'yung talagang mga kapus-palad. Ito'y sa pamamagitan ng mga feeding programs, medical missions at iba't iba pang outreach programs kung saan personal nating maipapadama ang ating pagiging kapamilya ng bawat isa.